საქართველოს ეროვნულმა ბანკმა დღეს გამართულ სავალუტო აუქციონზე 39 570 000 აშშ დოლარი გაყიდა. ამის მიუხედავად, ლარი დოლართან და ევროსთან მიმართებით მაინც გაუფასურდა.

როგორც ცნობილია, ეროვნული ბანკის მხრიდან სავალუტო ინტერვენციების ერთ-ერთი მთავარი მიზანი ეროვნული ვალუტის გაცვლითი კურსის მერყეობის შემცირებაა.

დღეს დადგენილი კურსის მიხედვით, ერთი დოლარის ღირებულება 3,4019 ლარი გახდა, რაც აქამდე მოქმედ კურსთან შედარებით 0,28 თეთრით გაუფასურებას ნიშნავს.

რაც შეეხება ევროს, ამ ვალუტასთან მიმართებით ლარი 5,58 თეთრით გაუფასურდა და ერთი ევრო 3,736 ლარს გაუტოლდა.

რუსეთის მხრიდან უკრაინაში შეჭრის შემდეგ ლარი დოლართან მიმართებით 38,57 თეთრით, ხოლო ევროსთან 31,11 თეთრით არის გაუფასურებული.

სებ-ის მიერ დღეს დადგენილი გაცვლითი კურსი ხვალ, 10 მარტს შევა ძალაში.