8 მიზეზი, რის გამოც Marvel-ის სამყაროში დღესვე უნდა შეაბიჯოთ
Marvel-ის სამყაროს ყოველთვის ვგმობდი. სუპერგმირებზე გადაღებულ ფილმებს უბრალო ატრაქციონად ვთვლიდი, კომიქსებს კი ნამდვილ ლიტერატურად არ მივიჩნევდი. რამდენიმეჯერ თავიც კი მოვიწონე, Marvel-ის ფილმები ნანახი არ მაქვს-მეთქი.
სამეცნიერო ფანტასტიკა, მითოლოგია და ფენტეზი ყოველთვის აღმაფრთოვანებდა და ზღვამიწეთში, შუახმელეთში თუ ნარნიაშიც არაერთი ღამე მაქვს გათენებული, მაგრამ მაინც მარველის სამყაროს ყოველთვის გვერდს ვუვლიდი. ალბათ WandaVision-საც არასდროს ვნახავდი, მაგრამ შემთხვევით გავიგე, რომ სერიალი მე-20 საუკუნის სიტკომების სტილში იყო გადაწყვეტილი და პირველი ეპიზოდი იმავე დღეს ჩავრთე. მაგის მერე ყველა ახალ ეპიზოდს სულმოუთქმელად ველოდი.
სერიალის დასრულების შემდეგ კი მივხვდი, რომ ძველი სიტკომების ხიბლი ერთადერთი არ იყო, რასაც ყოველკვირეულად თვალს ვადევნებდი — პერსონაჟები შემიყვარდნენ და მათი ვესთვიუმდე გავლილი გზითაც დავინტერესდი. ჯერ ფილმების ყურება დავიწყე მათი გამოსვლის თარიღის მიხედვით, მერე კი კომიქსების სამყაროშიც შევაბიჯე: აპლიკაცია გადმოვწერე, რომელიც ანდროიდის და iOS სისტემისთვის თანაბრად არის ხელმისაწვდომი, მარველის კომიქსების ულიმიტო პაკეტი ერთთვიანი გამოსაცდელი ვადით უფასოდ გავიაქტიურე, ყველა გამოსული ნომრის გზამკვლევი მოვძებნე და კომიქსების კითხვა პირველი, 1939 წელს გამოსული ნომრით დავიწყე. ასე გავიცანი ადამიანი ჩირაღდანი, რომლის ამბავსაც ყველა მომდევნო ნომერში ვეძებდი. თქვენც შეგიძლიათ მარველის სამყაროს დასაწყისიდან ჩაუჯდეთ ან თქვენთვის საინტერესო პერსონაჟების ამბებს მიყვეთ.
მარველმა მომატებულ სტრესს და შფოთვას უშველა, რეალობას ცოტა ხნით მაინც მომწყვიტა და თან ბევრ მნიშვნელოვან პრობლემაზე კიდევ ერთხელ დამაფიქრა. სწორედ ამიტომ, ამ სტატიაში იმ 8 მიზეზს გეტყვით, რის გამოც მარველის სამყაროში დღესვე უნდა შეაბიჯოთ.
1. ახალ სამყაროს აღმოაჩენ
ალბათ ყველას გვახსოვს ჰარი პოტერის პირველი სერია თუ წიგნი და ახალი დაუვიწყარი სამყაროს აღმოჩენით აღფრთოვანება. მარველის სამყაროც ასეთი სიახლეა, სუპერგმირებით დასახლებული ათასობით კომიქსი, რომელიც ახალ ჯადოსნურ თავგადასავლებს გვიმზადებს, რაც უფრო მეტს კითხულობ, მით უფრო გიყვარდებიან პერსონაჟები და ხვდები, რომ ისინი უბრალოდ დროის სასიამოვნოდ გატარებაში კი არ გეხმარებიან, შენს თვალწინ იცვლებიან, რთული გადაწყვეტილებების წინაშე დგებიან და გამოსავლის პოვნას ცდილობენ, ერთმანეთს ეხმარებიან, ბოროტებას ებრძვიან და ეს ბოროტებაც კი უბრალოდ ნეგატიური არ არის, ბევრად საინტერესო ამბებს და უამრავ მორალურ თავსატეხს თუ სისუსტეს აერთიანებს.
2. მიხვდები, რომ მარტო არ ხარ
ადამიანი ჩირაღდანი ყველაფერს ცეცხლის ალში ხვევს და საკუთარი გამანადგურებელი სუპერძალა ტკივილს აყენებს. ჩვენც ასე ვართ, ხშირად ვგრძნობთ, რომ უსარგებლონი ვართ ან ყველაფერს ვაფუჭებთ და მუდმივად თავს ვიდანაშაულებთ, არადა ხშირად გამოსასწორებელი არაფერია. კომიქსების პერსონაჟები კიდევ ერთხელ დაგარწმუნებენ, რომ ტკივილი, რომელსაც განიცდი, დანაკარგი, რომლის გადალახვაც არ შეგიძლია, ან უბრალოდ ყოველდღიური ამბებით გადაღლა მხოლოდ შენი პრობლემა არ არის, ეს ყველას გვაერთიანებს და გამოსავლის გამონახვაც ხშირად ძალზე მარტივია. კომიქსების პერსონაჟებთან ერთად ყველა სირთულის გადალახვას ისწავლი.
3. მსოფლიოს წინაშე არსებულ პრობლემებს სხვა თვალით შეხედავ
ეკოლოგიური პრობლემები, სოციალური უთანასწორობა, განსხვავებულთა ჩაგვრა და თანასწორობისთვის თუ პლანეტის გადასარჩენად ბრძოლა მარველის სამყაროს ღერძია. სუპერგმირები ადამიანებისგან განსხვავებულნი არიან, რის გამოც ხშირად დევნიან, მათ მოკვლას ცდილობენ, ისინი კი მუდმივად ადამიანთა დაცვას ან მათგან გამოწვეული ზიანის გამოსწორებას ცდილობენ. მარველის კომიქსები კიდევ ერთხელ დაგაფიქრებს იმ დამანგრეველ შედეგებზე, რაც ადამიანმა პლანეტას მოუტანა.
4. ამ სამყაროში გაბნეული ალუზიები ლიტერატურულ სიამოვნებას მოგანიჭებს
მარველის სამყაროს მრავალი გმირი მითოლოგიის ინსპირაციით არის შექმნილი და ეს პერსონაჟები თუ კომიქსებში მოხმობილი დეტალები მსოფლიო ლიტერატურის საწყის წერტილთან დაგაკავშირებს. სკანდინავიური, ბერძნული თუ ინდური თქმულებები მარველის კომიქსებში ახალ სიცოცხლეს იძენენ და მათი ამბები ორიგინალ პერსონაჟებთანაც იკვეთება. ასე რომ, ეს სამყარო ლიტერატურის მოყვარულისთვის დიდი სიამოვნების წყაროა.
5. ვიზუალურ სიამოვნებას მიიღებ
კომიქსების კითხვის მთავარი ხიბლი კარგი ილუსტრაციებია და მარველის სამყაროს დახვეწილი ვიზუალებიც დიდ სიამოვნებას მოგანიჭებთ. 80-წლიანი ისტორიის მანძილზე, კომიქსების ვიზუალებს არაერთი გამორჩეული ილუსტრატორი ქმნიდა. საინტერესოა ისიც, წლების მანძილზე როგორ იცვლებოდა ვიზუალური თხრობის ფორმა. დარწმუნებული ვარ თქვენი ტელეფონის გალერეაც ბევრი ახალი ფოტოთი შეივსება. თანაც ზემოთ ნახსენებ აპლიკაციას დასქრინვის ფუნქციაც აქვს.
6. მუდმივად სიახლის განცდა გექნება
ფოტო: Marvel
30 ათასზე მეტი კომიქსი, უამრავი საინტერესო პერსონაჟი, სიუჟეტი და მუდამ განახლებადი ამბები არასოდეს მოგაწყენს. დაიწყებ კითხვას, ფავორიტ გმირებს გაიცნობ და ერთ დღეს ახალ პერსონაჟს აღმოაჩენ, რომელიც თავს შეგაყვარებს. მარველის სამყარო შენი მუდმივი თანამგზავრი გახდება, რომელსაც ბოლომდე ვერ ამოწურავ.
7. გასული საუკუნის ისტორიას გადააფასებ
ფოტო: Marvel
მარველის სამყარომ პოპკულტურაზე დიდი გავლენა მოახდინა და მისი მთავარი ნაწილიც გახდა. კომიქსების მრავალ პერსონაჟსა და სიუჟეტზე კი რეალურმა ინდივიდებმა, ისტორიულმა მოვლენებმა იქონია გავლენა. კითხვისას გასულ 100 წელში მომხდარ ამბებს კიდევ ერთხელ აღმოაჩენთ. სამოქალაქო აქტივიზმის, კონფლიქტებისა და დიდი კორპორაციების საზიანო საქმიანობის კვალი კომიქსებში აშკარად იკითხება, რაც ჩვენი დროის ერთგვარი გადაფასებაა.
8. უბრალოდ კარგ დროს გაატარებ
ფოტო: Marvel
მარველი სამყაროს ხშირად უწოდებენ ატრაქციონს და ვინ თქვა, რომ ეს ცუდია?! სულაც არა, კომიქსების კითხვისას თუ ფილმების ყურებისას რეალობას მოსწყდებით. მომნუსხველ თავგადასავლებში შეაბიჯებთ და ძალიან კარგ დროს გაატარებთ. ზემოთ ჩამოთვლილი მიზეზებიც ცხადყოფს, რომ მარველის სამყარო უბრალოდ დროის გაყვანის საშუალება არ არის, მაგრამ თუ სიმარტივეს ეძებთ მარველთან ერთად ამის მიღებაც შეგიძლიათ.
-
გადახედვასაიდან იგებს Google Maps, რომ გზა გადაკეტილია? საიდან იგებს Google Maps, რომ გზა გადაკეტილია?
-
გადახედვა"შავი დღეა ქართული დემოკრატიისთვის" — განცხადებაში 11 ამერიკელი სენატორი სანქციების კონკრეტულ ზომებზე საუბრობს "შავი დღეა ქართული დემოკრატიისთვის" — განცხადებაში 11 ამერიკელი სენატორი სანქციების კონკრეტულ ზომებზე საუბრობს
-
გადახედვა4 წელი გულით ვცდილობდი, დამემტკიცებინა ხალხისთვის, რომ პარლამენტში ხელფასის ასაღებად არ ვიყავი, მაგრამ ახლა ვუერთდებით ბოიკოტს — ელისაშვილი 4 წელი გულით ვცდილობდი, დამემტკიცებინა ხალხისთვის, რომ პარლამენტში ხელფასის ასაღებად არ ვიყავი, მაგრამ ახლა ვუერთდებით ბოიკოტს — ელისაშვილი
-
გადახედვადაკავებულ ლაზარე გრიგორიადისს დაზიანებები აქვს სახისა და თავის არეში — ადვოკატი დაკავებულ ლაზარე გრიგორიადისს დაზიანებები აქვს სახისა და თავის არეში — ადვოკატი
-
გადახედვაბაიდენის პრესსპიკერი: თუ ამ კანონმდებლობას საბოლოოდ მიიღებენ, ეს გვაიძულებს, ფუნდამენტურად გადავაფასოთ ურთიერთობა საქართველოსთან ბაიდენის პრესსპიკერი: თუ ამ კანონმდებლობას საბოლოოდ მიიღებენ, ეს გვაიძულებს, ფუნდამენტურად გადავაფასოთ ურთიერთობა საქართველოსთან
-
გადახედვაო'ბრაიენი: თუ ივანიშვილი ყველაფრის სათავეშია და ამ გზას გააგრძელებს, მაშინ ვფიქრობ, ეს [სანქციები] არის ის, რასაც განვიხილავთ ო'ბრაიენი: თუ ივანიშვილი ყველაფრის სათავეშია და ამ გზას გააგრძელებს, მაშინ ვფიქრობ, ეს [სანქციები] არის ის, რასაც განვიხილავთ
-
გადახედვახვალ პარლამენტში ყვითელი დონე იმოქმედებს — რას ნიშნავს ხვალ პარლამენტში ყვითელი დონე იმოქმედებს — რას ნიშნავს
-
გადახედვა"შემაშფოთებელია იმ ძალადობრივი ქმედებების ხილვა, რასაც სამართალდამცავები იყენებენ" — იოსელიანი ქაცარავას ცემის ფაქტს ეხმიანება "შემაშფოთებელია იმ ძალადობრივი ქმედებების ხილვა, რასაც სამართალდამცავები იყენებენ" — იოსელიანი ქაცარავას ცემის ფაქტს ეხმიანება
-
გადახედვაგმირთა მოედანი გადაიკეტა გმირთა მოედანი გადაიკეტა
-
გადახედვაქაცარავას ცემის ფაქტზე, პოლიციის მხრიდან უფლებამოსილების გადამეტების მუხლით გამოძიება დაიწყო — საგამოძიებო ქაცარავას ცემის ფაქტზე, პოლიციის მხრიდან უფლებამოსილების გადამეტების მუხლით გამოძიება დაიწყო — საგამოძიებო
-
გადახედვარა გავიგეთ ო'ბრაიენისგან მოსალოდნელ სანქციებზე, მთავრობასთან პირისპირ საუბრებსა და აშშ-საქართველოს ურთიერთობების კარგ და ცუდ პერსპექტივებზე რა გავიგეთ ო'ბრაიენისგან მოსალოდნელ სანქციებზე, მთავრობასთან პირისპირ საუბრებსა და აშშ-საქართველოს ურთიერთობების კარგ და ცუდ პერსპექტივებზე
-
გადახედვადავით ქაცარავას ოპერაცია ჩაუტარდა — მას სახის ძვლების მოტეხილობები აქვს დავით ქაცარავას ოპერაცია ჩაუტარდა — მას სახის ძვლების მოტეხილობები აქვს
-
გადახედვაგმირთა მოედანზე მოქალაქეებმა გზის გადაკეტვა სცადეს — პოლიციამ მათი ნაწილი ძალის გამოყენებით დააკავა გმირთა მოედანზე მოქალაქეებმა გზის გადაკეტვა სცადეს — პოლიციამ მათი ნაწილი ძალის გამოყენებით დააკავა
-
გადახედვამიხაელ როთი და ევროპელი პოლიტიკოსები რუსთაველზე, რუსული კანონის საპროტესტო აქციაზე მივიდნენ მიხაელ როთი და ევროპელი პოლიტიკოსები რუსთაველზე, რუსული კანონის საპროტესტო აქციაზე მივიდნენ
-
გადახედვაო'ბრაიენი: თუ კანონი არსებული ფორმით დარჩება, თუ დავინახავთ დემოკრატიის შესუსტებას, აშშ-ის მხრიდან დაწესდება შეზღუდვები ო'ბრაიენი: თუ კანონი არსებული ფორმით დარჩება, თუ დავინახავთ დემოკრატიის შესუსტებას, აშშ-ის მხრიდან დაწესდება შეზღუდვები
-
გადახედვა"ქართული კოშმარი" საქართველოს ევროინტეგრაციის შანსებს აკარგვინებს — ამბობენ დასავლელი დიპლომატები, რომლებსაც ხელისუფლება არ შეხვდა "ქართული კოშმარი" საქართველოს ევროინტეგრაციის შანსებს აკარგვინებს — ამბობენ დასავლელი დიპლომატები, რომლებსაც ხელისუფლება არ შეხვდა
-
გადახედვააქციაზე დაკავებული დავით ქაცარავა მძიმედ არის ნაცემი — ის კლინიკაშია გადაყვანილი აქციაზე დაკავებული დავით ქაცარავა მძიმედ არის ნაცემი — ის კლინიკაშია გადაყვანილი
-
გადახედვარუსთაველის გამზირიდან სპეცრაზმი გავიდა — პარლამენტის მიმდებარე ტერიტორიას აქციის მონაწილეები იკავებენ რუსთაველის გამზირიდან სპეცრაზმი გავიდა — პარლამენტის მიმდებარე ტერიტორიას აქციის მონაწილეები იკავებენ
-
გადახედვაო'ბრაიენის ავტომობილი ქართული ოცნების სათავო ოფისში შევიდა — ტვ პირველი ო'ბრაიენის ავტომობილი ქართული ოცნების სათავო ოფისში შევიდა — ტვ პირველი
-
გადახედვამოვუწოდებთ სპეციალური დანიშნულების რაზმის თანამშრომლებს, არ შეასრულონ უკანონო ბრძანებები — საია მოვუწოდებთ სპეციალური დანიშნულების რაზმის თანამშრომლებს, არ შეასრულონ უკანონო ბრძანებები — საია
-
გადახედვასაერთაშორისო ზეწოლის მთელი არსენალია განხილვაში, ამბობს გვარამია ო'ბრაიენთან შეხვედრის შემდეგ საერთაშორისო ზეწოლის მთელი არსენალია განხილვაში, ამბობს გვარამია ო'ბრაიენთან შეხვედრის შემდეგ
კომენტარები