Z x სტარტაპერი — ასე ჰქვია ინიციატივების ერთობლიობას, რომელსაც თიბისი სპეციალურად ახალი თაობის ანტრეპრენერებისთვის პროგრამა სტარტაპერის ფარგლებში ახორციელებს. Z x სტარტაპერი Z თაობის სტარტაპერებისთვის ბიზნესის წამოწყებისა და განვითარების გამარტივებას და მათი საჭირო ცოდნითა და გამოცდილებით უზრუნველყოფას ისახავს მიზნად.

"ახალი თაობის მხარდაჭერა და გაძლიერება თიბისის სტრატეგიის მნიშვენლოვანი ნაწილია. გვინდა, ქვეყანაში უმცროსი თაობის ანტრეპრენერებს ბიზნესის წამოწყებისა და განვითარების შესაძლებლობა გავუმარტივოთ და ახალი თაობის სტარტაპერების ეკოსისტემა შევქმნათ. ჩვენი მიზანია, ახალგაზრდებში ანტრეპრენერული სულისკვეთება წავახალისოთ და მათ სტიმული მივცეთ, საკუთარ თავზე აიღონ პასუხისმგებლობა, მასშტაბურად იაზროვნონ, ისწავლონ შეცდომებზე, საბოლოოდ კი, წარმატებული ბიზნესები წამოიწყონ და მომხმარებლებს ხარისხიანი პროდუქტი თუ მომსახურება შესთავაზონ", — ამბობს ვახტანგ ბუცხრიკიძე, თიბისის გენერალური დირექტორი.

თიბისი სტარტაპერების ახალი თაობის მხარდასაჭრად შემდეგ ინიციატივებს ახორციელებს:

• სტარტაპ განათლება — სხვადასხვა დარგის სპეციალისტების ონლაინ კურსები, რომლებიც დამწყებ სტარტაპერებს მნიშვნელოვან და სასარგებლო ცოდნასა და რჩევებს უზიარებს;
• გარე ბაზრობები — მთელი წლის განმავლობაში სხვადასხვა ტიპის გარე ბაზრობებზე სტარტაპერებს შესაძლებლობა ეძლევათ, გაყიდონ თავიანთი პროდუქცია და გაიცნონ მომხმარებლები. გარე ბაზრობები ხელს უწყობს, ერთი მხრივ, სტარტაპის განვითარებას, მეორე მხრივ კი მომხმარებლებს შესაძლებლობას აძლევს, მათთვის საინტერესო ახალი ქართული სტარტაპი აღმოაჩინონ;
• სტარტაპ მარათონი — ალტე უნივერსიტეტის და თიბისის ერთობლივი პროექტი სკოლის მე-10, მე-11 და მე-12 კლასის მოსწავლეებისთვის, სადაც ახალგაზრდები საკუთარ სტარტაპ იდეებს მენტორებთან და ტრენერებთან ერთად დაამუშავებენ და გამარჯვებისთვის იბრძოლებენ . Z x სტარტაპერი გამარჯვებულ გუნდს 5000 ლარიან პრიზს გადასცემს;
• აპლიკაციების კონკურსი — პროექტი ტექნოლოგიური სტარტაპების აღმოჩენასა და განვითარებას ემსახურება როგორც ფინანასური, ისე ტექნოლოგიური და ცოდნის გაზიარების მიმართულებით;
• ახალგაზდრა სტარტაპერებისა და მათი ბიზნესების მარკეტინგული მხარდაჭერა და სხვადასხვა ფორმატის კონტენტის გაზიარება, მათ შორის ვიდეო, ბლოგი, ფოტო რეპორტაჟი და სხვა.

როგორც აღვნიშნეთ, სტარტაპერი თიბისის პროგრამაა, რომლის მიზანიც სტარტაპების განვითარებისა და ახალი ბიზნესების წამოწყების ხელშეწყობაა. პროგრამა მოიცავს როგორც ფინანსურ, ისე არაფინანსურ მხარდაჭერას.

სტარტაპერის შესახებ დეტალური ინფორმაციას შეგიძლიათ ამ ვებგვერდზე გაეცნოთ.