დღეს, 15 აპრილს #9 სამარშრუტო ხაზზე ახალი ხუთი ავტობუსი გავიდა. დღეიდან თბილისში ჩამოყვანილი MAN-ის ფირმის 143 ავტობუსიდან, მესამედზე ნაკლები 45 ავტობუსი მოძრაობს.

#9-ზე მოძრავი ავტობუსები სადგურის მოედნიდან ბაგების დასახლებისკენ და უკუ მიმართულებით გადაადგილდებიან.

ახალი, ლურჯი ფერის გერმანული ავტობუსები დედაქალაქში 2016 წლის 6 ოქტომბრიდან გამოჩნდა. პირველი ავტობუსის ხაზზე გასვლიდან ექვსი თვეა გასული. საშუალოდ, თბილისის მერია, თვეში, ქალაქში შვიდ ახალ ავტობუსს უშვებს. ახალი ავტობუსები მოძრაობენ შემდეგ სამარშუტო ხაზებზე: 61, 51, 87 და 37.

ახალი ავტობუსებს უნდა ევლოთ #14 სამარშრუტო ხაზზე, თუმცა, ამ ეტაპზე ამ ხაზზე ისევ ძველი ავტობუსები მოძრაობენ.