უკრაინის შინაგან საქმეთა სამინისტროს ცნობით, საქართველოს იუსტიციის ყოფილ მინისტრსა და უკრაინის გენერალური პროკურორის მრჩეველზე, ზურაბ ადეიშვილზე თავდასხმის ბრალდებით ერთი ადამიანი დააკავეს.

მათი თქმით, დაკავებული უცხო ქვეყნის მოქალაქეა და ერთ-ერთია მათ შორის, ვინც ადეიშვილს კიევში დაესხა თავს. უწყებაში ამბობენ, რომ სამძებრო სამუშაოები გრძელდება.

4 ადამიანი ზურაბ ადეიშვილს თავს 7 თებერვალს დაესხა. როგორც ადგილობრივი გამოცემა პოლიციასა და პროკურატურაში წყაროზე დაყრდნობით წერდა, მომხდარი, სავარაუდოდ, საქართველოში მის მოღვაწეობას უკავშირდებოდა.