ახალგაზრდა ქართველი მომღერლის, Creams-ის შემოქმედებამ ცნობილი ამერიკელი მუსიკოსის, მსახიობისა და სიმღერების ავტორის, კორტნი ლავის, ყურადღება მიიქცია. Creams-ის სიმღერა DIE 4 YOU ლავმა თავის ინსტაგრამზე მილიონზე მეტ გამომწერს გაუზიარა "სთორის" საშუალებით. ამერიკელმა მომღერალმა კომპოზიციის ვიდეოკლიპიდან ორი ნაწყვეტი გაავრცელა და ქართველი მუსიკოსის ანგარიშიც მონიშნა.

ფოტო: courtneylove / Instagram

ფოტო: courtneylove / Instagra

აღსანიშნავია, რომ ეს პირველი შემთხვევა არაა, როცა ნათია ჭიჭინაძის, სასცენო სახელით Creams-ის, მუსიკა საერთაშორისო ყურადღების ცენტრში აღმოჩნდა. ქართველი მომღერლის ტრეკი SLEEP ON ME გასულ წელს პოპულარული სერიალის, ლუციფერის, საუნდტრეკი გახდა.

პროექტი, სახელად Creams, 2019 წელს დაიბადა. მისთვის ნათია თავადვე წერს, ასრულებს და უშვებს სიმღერებს. მუსიკოსი, რომელიც ოთხ ენაზე საუბრობს, ამბობს, რომ სცენაზე საკუთარი სამყაროს გაცოცხლება და თავისი ქვეყნისთვის მნიშვნელოვანი საკითხების შესახებ საუბარი საინტერესოა.

2020 წელს Creams ცნობილმა ბრიტანულმა გამოცემამ, NME-მა, "წლის 100 აღმოჩენას" შორის დაასახელა.

ასევე იხილეთ: