თბილისის მერის, კახა კალაძის განცხადებით, იმ უბნებში, სადაც საზოგადოებრივი ტრანსპორტი არ მოძრაობდა, ახალი მიკროავტობუსები ივლიან. მისი თქმით, პირველი თებერვლიდან მიკროავტობუსები დაინიშნა:

  • ავშნიანის დასახლებაში;
  • გლდანის მეოთხე და მერვე მიკრორაიონების უკან მდებარე დასახლებებში;
  • დიდი და პატარა ტბის მიმდებარე დასახლებაში;
  • ინგუშეთის ქუჩაზე;
  • წყაროთუბნის დასახლებაში;
  • ვეძისისა და ზემო ვეძისის ქუჩებზე;
  • ელგუჯა ამაშუკელის ქუჩაზე;
  • ავჭალის აგარაკების ტერიტორიაზე.

"სამწუხაროდ, თბილისში იყო ადგილები, სადაც მუნიციპალური ტრანსპორტი საერთოდ არ დადიოდა, რაც ადგილობრივი მოსახლეობისთვის პრობლემას წარმოადგენდა. ჩვენი დაპირება იყო, რომ ამ რეფორმის ფარგლებში, არ დავტოვებთ არც ერთ ქუჩას, არც ერთ უბანს, დასახლებას, სადაც საზოგადოებრივ ტრანსპორტი არ იმოძრავებს", — თქვა კალაძემ.

მისი განმარტებით, რეფორმა გრძელდება და მარშრუტებს ისე შეადგენენ, რომ ტრანსპორტი ყველასათვის ხელმისაწვდომი იყოს.