ჯანდაცვის მინისტრის, ზურაბ აზარაშვილის განცხადებით, თურქეთის ფარმაცევტული ბაზრის გახსნა მოსახლეობას 200-მდე მედიკამენტზე გაუიაფებს ხარჯებს. მისი თქმით, ეს თურქეთიდან მაღალხარისხიანი, კონკურენტული ფასებით მედიკამენტების იმპორტს შეუწყობს ხელს.

"აქედან გამომდინარე, ჯანდაცვის სამინისტრო აქტიურადაა ჩართული ამ და ყველა სხვა იმპორტირებული ქვეყნიდან წამლების ხარისხის და მასთან დაკავშირებული სერტიფიკატებისა თუ დოკუმენტაციის გადამოწმების და კონტროლის კუთხით და ჩვენ ვართ სრულად პასუხისმგებელი იმაზე, რომ საქართველოში გაიყიდება მაღალი ხარისხის მედიკამენტები და ფასები იქნება კონკურენტული", — განაცხადა მან.

დღეს, 17 იანვარს პრემიერმინისტრმა, ირაკლი ღარიბაშვილმა განაცხადა, რომ მთავრობის განკარგულებით თურქეთის ფარმაცევტული ბაზარი გაიხსნა. მისი თქმით, არ არსებობს არგუმენტი, რატომ უნდა ღირდეს საქართველოში მედიკამენტები უფრო ძვირი, ვიდრე თურქეთში.