იზოლაციისა და კარანტინის წესების შესახებ მთავრობის დადგენილებაში შესული ცვლილებების მიხედვით, ღამის კლუბებს 14 და 15 იანვარს მუშაობის შესაძლებლობა მიეცათ. შესაბამის განკარგულებას დღეს გამოიცა.

კლუბებს აქამდე გამონაკლისის სახით მუშაობის საშუალება მიეცათ 7-8 იანვარს, უფრო ადრე კი 31 დეკემბერსა და 1 იანვარს.

12 იანვარს კულტურისა და შემოქმედებითი ინდუსტრიების ერთობის ხელმძღვანელ დავით ლეჟავა მთავრობის წარმომადგენლებს შეხვდა, სადაც განუცხადეს, რომ მათ მომდევნო ორი კვირის განმავლობაში — 14-15 და 21-22 იანვარს მუშაობის უფლება არ ჰქონდათ. როგორც კლუბ KHIDI-ს დამფუძნებელმა, სოფო ებრალიძემ On.ge-ს განუცხადა, იქამდე მათ იცოდნენ, რომ ამ პერიდოში მუშაობის უფლება ექნებოდათ, შემდეგ კი კლუბებში შესვლის წესები გამკაცრდებოდა. კლუბები აცხადებდნენ, რომ ორი დღით ადრე უკვე დაგეგმილი ღონიძიებების გაუქმება შეუძლებელი იყო, ამიტომ მუშაობის გაგრძელებას აპირებდნენ.

დღეს KHIDI-მ და BASSIANI-მ განაცხადეს, რომ 14-15 იანვარი ამ სეზონზე მათთვის ბოლო სამუშაო ღამეები იქნება, სამომავლოდ კი ეპიდვითარების ცვლილებას დაელოდებიან.