გუშინ, 4 იანვარს ი. ციციშვილის სახელობის ბავშვთა კლინიკაში კორონავირუსით 4 თვის ჩვილი გარდაიცვალა. ინფორმაცია On.ge-ს კლინიკაში დაუდასტურეს.

მათივე ცნობით, ბავშვს გულის თანდაყოლილი მანკი ჰქონდა, ის კლინიკაში შეყვანისას მძიმე მდგომარეობაში იყო და მართვით სუნთქვაზე იმყოფებოდა.

5 იანვრის მონაცემებით, საქართველოში კორონავირუსის 3 436 ახალი შემთხვევა დადასტურდა, გამოჯანმრთელდა 1 805, ხოლო გარდაიცვალა 32 ადამიანი. პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 945 609-ს, ჯამში გამოჯანმრთელებულთა რაოდენობა გაიზარდა 906 708-მდე, ხოლო დღემდე ვირუსს 14 041 პირი ემსხვერპლა.