2020 წლიდან დღემდე კორონავირუსის პანდემია მსოფლიოს ყოველდღიურობის განუყოფელ ნაწილად იქცა. პანდემიამ ყველა ქვეყანასა და სფეროზე იმოქმედა და მას, რა თქმა უნდა, ცნობილი ადამიანებიც გამოეხმაურნენ.

ვარსკვლავების ნაწილი პირბადის ტარებისკენ, ვაქცინაციისა თუ თვითიზოლაციის დაცვისკენ მოგვიწოდებდა, მეორე ნაწილს კი უცნაური, სასაცილო და ხშირად გამაღიზიანებელი რეაქციაც ჰქონდა. ამ მხრივ ერთ-ერთი ყველაზე დასამახსოვრებელი მსახიობი გალ გადოტი აღმოჩნდა, რომელმაც თვითიზოლაციაში ყოფნისას ვარსკვლავებს სიმღერა Imagine დისტანციურად ამღერა და კრიტიკის ქარცეცხლშიც გაეხვა. საზოგადოების დიდმა ნაწილმა სიმღერას უგემოვნო, მიუღებელი და სამარცხვინო უწოდა.

ცოტა ხნის წინ გალ გადოტმა გადაწყვიტა, ამ ფაქტს გამოხმაურებოდა. გამოცემა InStyle-თან ინტერვიუში მსახიობმა აღიარა, რომ ვიდეოს გადაღებასა და დადებას ნანობდა, მიუხედავად იმისა, რომ ცუდი განზრახვა არ ჰქონია.

"ვიდეო უდროო იყო. ამისათვის შესაბამისი მომენტი ვერ შევარჩიე და არასწორად მოვიქეცი", — ამბობს გალ გადოტი.

აღსანიშნავია, რომ შემთხვევის შემდეგ გალმა საკუთარ თავზე იხუმრა კიდეც და ერთ-ერთ დაჯილდოებაზე სამადლობელი სიტყვით გამოსვლისას Imagine-ის სიმღერა დაიწყო.

ამავე თემაზე: