მესტიაში მოსახლეობამ წმინდა გიორგი ხატზე დაიფიცა, რომ კრიპტოვალუტის მაინინგ-ფერმებს აღარ გამოიყენებენ. ადგილობრივებმა ფიცი ტაძარში დადეს.

24 დეკემბერს მესტიის მუნიციპალიტეტში განაცხადეს, რომ მოსახლეობას ელექტროენერგიას გრაფიკით მიაწვდიან, მიზეზად კი მათ "მაინერების მომრავლება" დაასახელეს. მერია ენერგო-პრო ჯორჯიაზე დაყრდნობით აცხადებდა, რომ მესტიის მუნიციპალიტეტის სრული მოსახლეობის საყოფაცხოვრებო მოხმარებისთვის, მუნიციპალიტეტის მასშტაბით, საჭიროა 7 მეგავატი ელექტროენერგია. მათივე თქმით, ამის ფონზე, ამ პერიოდში მესტიის მუნიციპალიტეტი მოიხმარს 27 მეგავატამდე ელექტროენერგიას, ხოლო "საყურადღებოა ისიც", რომ გასული წლების მონაცემებთან შედარებით, დღევანდელი მოხმარება 237%-ით არის გაზრდილი.