პრემიერმინისტრ ირაკლი ღარიბაშვილი აცხადებს, რომ დაიქირავა მსოფლიოში რიგით მეორე და ევროპაში პირველი ფინანსური ჯგუფი — Rothschild, რომლის ერთ-ერთი ინიციატივაა, საქართველო ეტაპობრივად გარდაიქმნას და პოზიციონირდეს, როგორც აღმოსავლეთის ლუქსემბურგი, რეგიონული ფინანსური ჰაბი. ამის შესახებ საქართველოს პრემიერ-მინისტრმა ირაკლი ღარიბაშვილმა საზღვარგარეთ საქართველოს დიპლომატიური კორპუსის წარმომადგენლების — ელჩების კონფერენციაზე განაცხადა, რომელიც ონლაინ-რეჟიმში გაიმართა.

"ჩვენ უნდა დავამარცხოთ სიღარიბე, უმუშევრობა, მეტი სამუშაო ადგილები უნდა შევქმნათ, მეტი კეთილდღეობა იყოს და ამ მიმართულებით გადადგმული ერთ-ერთი საინტერესო ნაბიჯი იყო, რომ ერთ-ერთი უმსხვილესი კომპანია Rothschild დავიქირავე. Rothschild მსოფლიოში რიგით მეორე და ევროპაში პირველი ფინანსური ჯგუფია. მისი ერთ-ერთი ინიციატივაა, საქართველო ეტაპობრივად გარდაიქმნას და პოზიციონირდეს, როგორც აღმოსავლეთის ლუქსემბურგი. Luxemburg of the East — ეს იყო მათი ერთ-ერთი იდეა და შემოთავაზება", — განაცხადა ღარიბაშვილმა.

მისივე თქმით, ასევე, დიდი დაინტერესებაა იმისა, რომ საქართველო გარდაიქმნას, პოზიციონირდეს, როგორც რეგიონული ფინანსური ჰაბი.