იმერეთის სახელმწიფო რწმუნებულის, ზვიად შალამბერიძის განცხადებით, სოფელ ვერტყვიჭალაში რკინის საამქროს სახურავის ჩამონგრევის შედეგად 1 ადამიანი გარდაიცვალა, ხოლო 10 დაშავდა.

"ჩამოინგრა დროებითი ნაგებობის სახურავი, რის შედეგადაც დაზიანდა 10 ადამიანი, აქედან 7 საქართველოს მოქალაქეა და 3 ჩინეთის. მათ სიცოცხლეს ამ წუთის მდგომარეობით საფრთხე არ ემუქრება", — განაცხადა მან.

შალამბერიძის ინფორმაციით, ამ ეტაპზე, სამძებრო სამუშაოები უკვე დასრულებულია.