საპარლამენტო უმცირესობის, ევროპული საქართველოს ლიდერი, ელენე ხოშტარია მიიჩნევს, რომ პრეზიდენტმა იმ გამოწვევებზე ისაუბრა, რაც ქვეყანაში არსებობს. მისი თქმით, პრეზიდენტი შეეხო ისეთ საკითხებს, როგორიცაა: გაჭირვება, ეკონომიკური გამოწვევები, დემოკრატიის პრობლემები, მოსმენები და სასამართლო სისტემა.

"მთავარი პრობლემა არის ის, რომ პრეზიდენტის გამოსვლას ხელისუფლება უყურებს არა როგორც საშუალებას, რომ ისაუბროს პრობლემებზე, იმ საკითხებზე, რომელიც აწუხებს მოსახლეობას, არამედ, აკნინებს, აყენებს შეურაცხყოფას. სერიოზული აღქმა ამ პრობლემების არ არსებობს, ამიტომ დღევანდელ დებატებშიც ჩვენ ველით არასერიოზულ დამოკიდებულებას," - აღნიშნა ხოშტარიამ.