სერიალი Why Women Kill მესამე სეზონით დაბრუნდება

ბოლო დროის ერთ-ერთი ყველაზე გახმაურებული და ქართველი მაყურებლების საყვარელი სერიალი Why Women Kill (რატომ კლავენ ქალები) გრძელდება!

Paramount-მა ოფიციალურად დაადასტურა, რომ ამ სატელევიზიო შოუს მესამე სეზონი დაუმტკიცდა და უახლოეს მომავალში გადაღებებიც დაიწყება.

შემდეგ სეზონზე კვლავ მარკ შერი იმუშავებს, რომელიც ასევე საკულტო სერიალის სასოწარკვეთილი დიასახლისების შემქმნელია.

ცნობილია ისიც, რომ მესამე სეზონი წინა ორის მსგავსად ანთოლოგიური ტიპის იქნება: მასში სრულიად ახალი სიუჟეტი განვითარდება ახალი პერსონაჟების შესახებ და ახალი მსახიობების მონაწილეობით.

სერიალის რატომ კლავენ ქალები პრემიერა 2019 წელს შედგა, ჯერჯერობით ბოლო, მეორე სეზონი კი 2021 წელს გამოვიდა, რომელმაც მაყურებლებში დიდი მოწონება დაიმსახურა.

ისღა დაგვრჩენია, დაველოდოთ სიახლეებს და გავიგოთ, ამჯერად რა ინტრიგასა და დრამას გვიმზადებენ.