ეროვნული ბანკის ინფორმაციით, ნოემბერში 207,3 მილიონი დოლარის ფულადი გზავნილი მივიღეთ. ეს მონაცემი გასული წლის იმავე თვესთან შედარებით 22%-ით არის გაზრდილი.

მიმდინარე წლის იანვარ-ნოემბრის მონაცემებით კი, საქართველოში 2,12 მილირდი დოლარია გადმორიცხული. ამ შემთხვევაში წლიური ზრდა 25,7%-ია. აღსანიშნავია, რომ 11 თვეში მიღებული გზავნილების მოცულობით ეს ისტორიული მაქსიმუმია.

ასეთია იმ ქვეყნების ჩამონათვალი, საიდანაც ნოემბერში ყველაზე მეტი მოცულობის ფულადი გზავნილი მივიღეთ:

  1. რუსეთის ფედერაცია — $34,4 მილიონი, ზრდა გასული წლის იმავე თვესთან — 8%;
  2. იტალია — $32,1 მილიონი, ზრდა — 26,6%;
  3. აშშ — $24 მილიონი, ზრდა — 22,1%;
  4. საბერძნეთი — $19 მილიონი, ზრდა — 3,6%;
  5. ისრაელი — $17 მილიონი, ზრდა — 23,7%;
  6. გერმანია — $10,9 მილიონი, ზრდა — 45%;
  7. ყაზახეთი — $9,3 მილიონი, ზრდა — 309,3%;
  8. თურქეთი — $8,3 მილიონი, კლება —7,9%;
  9. უკრაინა — $7,5 მილიონი, კლება —21,8%;
  10. აზერბაიჯანი — $7,2 მილიონი, ზრდა — 30,6%.

აქვე უნდა აღინიშნოს ისიც, რომ მიმდინარე წლის ნოემბერში საქართველოდან უცხოეთში 31,8 მილიონი დოლარი გადაირიცხა. ქვეყნებს შორის, ყველაზე მეტი თანხა რუსეთსა ($8,3 მილიონი) და თურქეთში ($7,5 მილიონი) გაიგზავნა.