"ფარული ვნება" ახალი ინტრიგით ბრუნდება — ნახეთ მე-2 სეზონის ტრეილერი

საპნის ოპერის მოყვარულთა დიდხნიანი მოლოდინი დასასრულს უახლოვდება!

ჯერ კიდევ 2020 წელს გახდა ცნობილი, რომ საკულტო ლათინურ-ამერიკული სერიალი ფარული ვნება გაგრძელდებოდა, ახლა კი უკვე ახალი სეზონიდან პირველი კადრებიც შეგვიძლია შევაფასოთ.

მეორე სეზონის ტრეილერი ცინცხალ დრამას, ბევრ ინტრიგასა და ნოსტალგიის დიდ დოზას გვპირდება:

View this post on Instagram

A post shared by Pasión de Gavilanes (@pasiondegavilanes)

ფარული ვნების მეორე სეზონში მონატრებულ და კარგად ნაცნობ მსახიობებთან ერთად (მაგალითად, მარიო ჩიმარო და დანა გარსია), ახალ სახეებსაც ვიხილავთ.

უცნობ პერსონაჟებს მოგვიანებით გავიცნობთ და უკეთ მაშინ შევაფასებთ, იქამდე კი თამამად შეგვიძლია ვთქვათ, რომ ქართველი მაყურებლების დიდი ნაწილისთვის ასე კარგად ნაცნობი მსახიობები 17 წლის შემდეგაც კი დიდად არ შეცვლილან.

რაც მთავარია, ტრეილერიდან გავიგეთ, რომ სერიალის გაგრძელებას თებერვალში ვიხილავთ და ისღა დაგვრჩენია, მონატრებულ გმირებთან შეხვედრამდე უკანასკნელი კვირების ათვლა დავიწყოთ.