მომღერალმა და ნაციონალური მოძრაობის დეპუტატმა, ბუბა კიკაბიძემ გორის სამხედრო ჰოსპიტალში ექსპრეზიდენტი მიხეილ სააკაშვილი მოინახულა. კიკაბიძემ მედიასთან განაცხადა, რომ მთავარია სააკაშვილი გატეხილი არ არის.

"მიშა ძალიან მიყვარს... თავიდან ბოლომდე მომიყვა ყველაფერი… არ არის გატეხილი, მთავარი ეგ არის. ვილაპარაკეთ იმაზე, ზელენსკი როგორ შემხვდა. ვუთხარი, შენი მოქალაქეა და უნდა წაიყვანოთ, თორემ მოკლავენ. მითხრა, დღესვე დავიწყებ რეკვასო, იმის შემდეგ ჩამოვიდა სახალხო დამცველი, შემდეგ ადვოკატი. პოლონელებს უთქვამთ, ჩვენ მოგვეცით, ჩვენ მოვარჩენთ და მივხედავთო", — თქვა კიკაბიძემ.

მისივე თქმით, მესამე პრეზიდენტის დიდი გამოხმაურება ექნება.

"აქ ისეთი სისულელეები ხდება სასამართლოზე. ახლა ალბათ ბაიდენის კარადა რომ გავაღოთ, იქ შეიძლება 200 "კოსტიუმი" იყოს. სასაცილოა ეს ყველაფერი, ჩვენს დაბალ დონეზე ლაპარაკობს ეს ყველაფერი", — აღნიშნა ბუბა კიკაბიძემ ჟურნალისტებთან.

ექსპრეზიდენტი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს. ექსპრეზიდენტი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს. უკრაინაში მცხოვრები სააკაშვილი საქართველოში სექტემბრის ბოლოს, საარჩევნოდ დაბრუნდა, რომლის შემდეგაც ის პირველ ოქტომბერს დააკავეს. დაკავების პირველივე დღიდან მან შიმშილობა გამოაცხადა. შიმშილობა გაგრძელდა გლდანის მე-18 დაწესებულებაშიც, სადაც მისი განცხადებით, მოტყუებითა და იძულებით გადაიყვანეს. სააკაშვილმა შიმშილობა მას შემდეგ შეწყვიტა, რაც იუსტიციის სამინისტრომ გორის სამხედრო ჰოსპიტალში გადაყვანა შესთავაზა.