საქართველოს პარლამენტმა ოჯახში ძალადობის შესახებ ევროსაბჭოს, იგივე სტამბოლის კონვენციის რატიფიცირებას პირველი მოსმენით მხარი დაუჭირა. ამ დოკუმენტის მიღების შემთხვევაში საქართველოს რამდენიმე კანონში ცვლილებაა გათვალისწინებული.

კონვენციის მიზნებია: დაიცვას ქალები ყველა ფორმის ძალადობისგან, მათ შორის ოჯახში ძალადობისგან. გარდა ამისა, კონვენციის მიზანია, კაცებთან თანასწორობის ჩამოყალიბების ღონისძიებები გატარება.

ამ კონვენციის რატიფიცირებით, საქართველო ვალდებული იქნება დაიცვას ყველა ადამიანის, განსაკუთრებით კი ქალების უფლებები როგორც საჯარო ისე კერძო სივრცეში.

"მხარეები იღებენ ყველა საჭირო ზომას ქალისა და კაცის ქცევის სოციალურ და კულტურულ მოდელებში ცვლილებების დასანერგად იმ მიზნით, რომ აღმოიფხვრას ის ცრურწმენები, ადათ-წესები, ტრადიციები და ყვა სხვა პრაქტიკა, რომელიც ეფუძნება ქალთა არასრულფასოვნების იდეას ან ქალისა და კაცის როლის სტერეოტიპულ წარმოდგენებს," - ვკითხულობთ კონვენციაში.

ამავე კონვენციით გათვალისწინებულია საინფორმაციო-საგანამანათლებლო საქმიანობის, მსხვერპლ ქალებთან მომუშავე ექსპერტების პროფესიულ გადამზადების ღონისძიებები და სხვა.