გიორგი მამალაძის ადვოკატის ცნობით, დეკანოზმა შიმშილობა დაიწყო. როგორც ადვოკატმა, გიორგი ფანცულაიამ On.ge-ს უთხრა მოთხოვნა ილია მეორესთან ან/და სინოდის წევრებთან შეხვედრაა. ამ ფორმით მამალაძე, ასევე, პროტესტს უცხადებს გამოძიებას, რომელიც ადვოკატის თქმით, მიკერძოებულად და არაპროფესიონალურად მიმდინარეობს.

"დაიწყო შიმშილობა. მე არაერთხელ ვთხოვე რომ არ დაეწყო იმიტომ, რომ ჯანმრთელობის მდგომარეობა ასე ვთქვათ არა სახარბიელოა შიმშილობის დაწყების გარეშეც, მაგრამ ასე გადაწყვიტა," - ამბობს ფანცულაია.

გიორგი მამალაძე მიმდინარე წლის თებერვალში, თბილისის საერთაშორისო აეროპორტში იმ დროს დააკავეს, როცა ის ბერლინში მიემგზავრებოდა. პროკურატურის მტკიცებით, ის გერმანიაში გეგმავდა ციანიდით მოეწამლა პატრიარქის მდივან-რეფერენტი, შორენა თეთრუაშვილი. მამალაძე ბრალდებებს უარყოფს.