გერმანიის პარლამენტმა კანცლერად ოლაფ შოლცი აირჩია — ის 16-წლიანი მმართველობის შემდეგ, ანგელა მერკელს ჩაანაცვლებს და გერმანიის სამპარტიულ კოალიციურ მთავრობას გაუძღვება.

შოლცი სოციალ-დემოკრატიულ პარტიას წარმოადგენს, რომელსაც კოალიცია შექმნილი აქვს მწვანეთა და თავისუფალ დემოკრატთა პარტიებთან. ახალ კანცლერს მხარი პარლამენტის 395-მა წევრმა დაუჭირა.

BBC-ის განცხადებით, ახალ მთავრობას კლიმატის ცვლილებებთან ბრძოლის ამბიციური გეგმები აქვს, თუმცა მათი საწყისი პრიორიტეტი კორონავირუსის პანდემიის დაძლევა იქნება. საგარეო საქმეთა მინისტრის თანამდებობას მწვანეთა პარტიის ლიდერი, ანალენა ბაერბოკი დაიკავებს.