მიმდინარე წლის მესამე კვარტალში, გასული წლის იმავე პერიოდთან შედარებით, ბიზნეს სექტორში საშუალო ხელფასი 149,7 ლარით გაიზარდა და 1 455,5 ლარი შეადგინა. ამის შესახებ საქსტატის მიერ გამოქვეყნებული ანგარიშიდან ხდება ცნობილი.

საქსტატის ინფორმაცით, ბოლო ერთ წელში კერძო სექტორში დასაქმებული ქალების ხელფასი 145,2 ლარით არის გაზრდილი და მათი ანაზღაურება საშუალო ხელფასზე 312 ლარით ნაკლებს, 1 143,6 ლარს შეადგენს.

საწარმოთა ზომის მიხედვით საშუალო თვიური ხელფასი შემდეგნაირად ნაწილდება:

  • მსხვილი ბიზნესი — 1 484,2 ლარი;
  • საშუალო ბიზნესი — 1 703,8 ლარი;
  • მცირე ბიზნესი — 1 253,7 ლარი.

სტატისტიკის მიხედვით, მესამე კვარტალში დასაქმებულთა მთლიანი რაოდენობის 39,6% მსხვილ ბიზნესზე მოდის, 22,6% — საშუალოზე, ხოლო დარჩენილი 37,8% — მცირე ბიზნესზე.

საქსტატის ინფორმაციით, მიმდინარე წლის მესამე კვარტალში კერძო სექტორი 647,3 ათას ადამიანს ასაქმებდა, რაც გასული წლის შესაბამისი პერიოდის მაჩვენებელზე 6% მეტი იყო. იმავე პერიოდში კომპანიებმა დაქირავებულებისთვის ხელფასის სახით 2,89 მილიარდი ლარი გასცეს — აქ წლიური ზრდა 18,7%-ია.

რაც შეეხება ქვეყანაში არსებულ (ყველა სექტორისთვის) საშუალო ნომინალური ხელფასის მაჩვენებელს, მიმდინარე წლის მეორე კვარტალის მონაცემებით, ის 1 328 ლარს შეადგენს. მესამე კვარტალში არსებული საშუალო ხელფასის მაჩვენებელს საქსტატი 16 დეკემბერს გამოაქვეყნებს.

გაიგეთ მეტი: