2 დეკემბერს, 11:15 საათზე, უნგრეთის ადამიანური შესაძლებლობების მინისტრი, პროფესორი მიკლოშ კაშლერი საქართველოს პარლამენტის ეროვნულ ბიბლიოთეკას ეწვევა. სტუმარი ბიბლიოთეკას უნგრულ ენაზე გამოცემული "ვეფხისტყაოსნის" უნიკალურ ეგზემპლარს გადასცემს.

"ვეფხისტყაოსანი" უნგრეთსა და საქართველოს შორის უმნიშვნელოვანეს კულტურულ ხიდს წარმოადგენს, რადგან, როგორც ცნობილია, პოემა ილუსტრირებულია უნგრელი მხატვრის, მიჰაი ზიჩის (1827-1906) მიერ. მისი უნგრული თარგმანი კი ეკუთვნის უნგრეთის ერთ-ერთ საუკეთესო პოეტს, შანდორ ვერეშს (1913-1989).

შეხვედრაზე მხარეები კულტურის სფეროში მომავალი თანამშრომლობის შესაძლებლობებს განიხილავენ.