რუსეთის ქალაქ პეტერბურგში 3 აპრილს მომხდარი ტერაქტის მსხვერპლთა რაოდენობა 14-მდე გაიზარდა, დაშავებულია 50-მდე პირი. რუსეთის ოფიციალური სტრუქტურები აცხადებენ, რომ მომხდარის ერთ-ერთ სავარაუდო ვერსიად განიხილება თვითმკვლელი ტერორისტის ქმედება.

ყირგიზეთის საგარეო საქმეთა სამინისტროს მტკიცებით კი, ტერაქტი ნამდვილად თვითმკვლელმა ტერორისტმა მოაწყო, რომელიც ყირგიზული წარმოშობის რუსეთის მოქალაქე - 22 წლის აკბარჯონ ჯალილოვია. ჯერჯერობით, ამ ინფორმაციას რუსული საგამოძიებო ორგანოები არ ადასტურებენ.

პეტერბურგის მეტროს ერთ-ერთი შემადგენლობის ვაგონში ასაფეთქებელი მოწყობილობა იმ დროს ამოქმედდა, როცა მატარებელი მოძრაობდა. მემანქანეს სვლა არ შეუნელებია და მატარებლის შემდეგ ვაგონამდე მიყვანა მოახერხა.

თვითმხილველების მიერ გადაღებულ ფოტო-ვიდეო მასალებში ჩანან დაჭრილი და გარდაცვლილი ადამიანები, ასევე თუ როგორ ცდილობენ მოქალაქეები აფეთქებული ვაგონიდან გამოღწევას.