მიხეილ სააკაშვილის ადვოკატის, ბექა ბასილაიას განცხადებით სასამართლო სხდომაზე არ განიხილეს ექსპრეზიდენტისთვის სატელეფონო საუბრების უფლების აღდგენა. მისი თქმით, ეს იმ სირცხვილის გაგრძელებაა, რაც დღეს სააკაშვილის სასამართლო პროცესის ირგვლივ ხდებოდა.

"მან კვლავ ისე უნდა გაატაროს გორის ჰოსპიტალში დრო, რომ სატელეფონი ზარის განხორციელების შესაძლებლობა არ მიეცეს. საპატიმრო დაწესებულებაში მოთავსებულ ასობით, ათასობით ადამიანს შეუძლია დარეკოს, მიხეილ სააკაშვილს არ შეუძლია. ამ საკითხის სამართლებრივი ასპექტი, ამ შემთხვევაში, მეათე ხარისხოვანია, იმიტომ, რომ რეალურად ხელისუფლების ამოცანაა მიხეილ სააკაშვილის იზოლაცია", — განაცხადა მან.

დღეს, 29 ნოემბერს მიხეილ სააკაშვილის პროცესი გაიმართა. სხდომაზე ექსპრეზიდენტს სიტყვით გამოსვლის უფლება მისცეს — მან სხვადასხვა პოლიტიკურ თემაზე, მათ შორის, საქართველოში ჩამოსვლასა და შიმშილობაზე, გლდანის ციხეში იძულებით გადაყვანასა და მკურნალობაზე ისაუბრა. სასამართლო პროცესზე სიტყვით გამოსვლის შემდეგ, სააკაშვილმა დარბაზი დატოვა და სხდომა მის გარეშე გაგრძელდა.

გაიგეთ რაზე ისაუბრა სააკაშვილმა სასამართლო სხდომაზე: