ექსპრეზიდენტმა მიხეილ სააკაშვილმა, საკუთარ სასამართლო სხდომაზე 7 ნოემბრის მოვლენებზე ისაუბრა და 20 ივნისს შეადარა. დღევანდელი სხდომა, რომელსაც ის ესწრება და მოსამართლეთა კოლეგია განიხილავს, სწორედ 7 ნოემბრის საქმეზეა.

"რომ ატრიალებთ მუდმივად კადრებს 7 ნოემბრის, რომელიც ჩემთვის ძალიან უსიამოვნო საყურებელია და მე დღემდე ცუდად ვიგონებ ამას, გუშინ არ გქონდათ 20 ივნისი და შეადარეთ დაზარალებულთა რაოდენობა 20 ივნისს და 7 ნოემბერს. ეს ერთი.

გუშინ არ გქონდათ ლექსო ლაშქარავას მკვლელობა, რომელიც წაახალისა საქართველოს უმაღლესი თანამდებობის პირმა თავისი პირდაპირი მოწოდებით?!" — განაცხაადა სააკაშვილმა.

გარდა ამისა სააკაშვილი ამტკიცებდა, რომ არანაირი დავალება არ გაუცია და პოლიცია მოქმედებდა ისე, როგორც სწორად მიაჩნდა.

"მე ამას ყველაფერს ვუყურებდი ტელევიზორით, არანაირი ინსტუქციები არავისთვის არ მიმიცია. ისინი ასრულებდნენ მოვალეობას, როგორც მათ ესმოდათ და როგორი გამოცდილებაც ჰქონდა ჩვენს პოლიციას, რომელიც იყო მაშინ ძალიან ახალგაზრდა და ძალიან გამოუცდელი", — განაცხადა მან.

გაიგეთ მეტი სააკაშვილის სიტყვაზე: