სანქტ-პეტერბურგში, მეტროს სადგურ ტექნოლოგიური ინსტიტუტზე აფეთქება მოხდა. ბოლო მონაცემებით, მინიმუმ ათი ადამიანი დაიღუპა, დაშავებულთა რაოდენობა კი 20-დან 50-მდე გაიზარდა.

ჯერჯერობით, ინციდენტი ოფიციალურად ტერაქტად არ არის შეფასებული.

სანქტ-პეტერბურგში იმყოფება რუსეთის პრეზიდენტი ვლადიმერ პუტინიც, რომელიც ალექსანდრე ლუკაშენკოსთან მართავს შეხვედრებს. პუტინმა სამძიმარი გამოუცხადა დაღუპულთა ოჯახებს. მისივე თქმით, ის ესაუბრა სამართალდამცავ ორგანოების წარმომადგენლებთან და მომხდარში ტერაქტის ნიშნები შეინიშნება.

არაოფიციალური ინფორმაციით, მეტროში ნაპოვნია კიდევ ერთი ბომბი, რომელსაც ამ წუთებში ანეიტრალებენ.

რუსული ტელეარხის, დოჟდის ინფორმაციით, უსაფრთხოების ზომები მკაცრდება მოსკოვის მეტროშიც.