თბილისის მერიის ცნობით, ბაგები-წყნეთის დამაკავშირებელ გზაზე არსებულ მეწყრულ ზონაში მთის ფერდის მცირე ნაწილი ჩამოიშალა. მათი განცხადებით, აღნიშნულის გამო საავტომობილო მოძრაობა დროებით შეიზღუდება.

"ადგილზე იმყოფებოდნენ დედაქალაქის მერიის შესაბამისი უწყებების წარმომადგენლები, გეოლოგები და კონსტრუქტორები. შექმნილი ვითარებიდან გამომდინარე, დაიგეგმა ფერდის გამაგრების საპრევენციო ღონისძიებები", — ვკითხულობთ მერიის განცხადებაში.

უწყების ინფორამციით, პრევენციული სამუშაოების წარმოების მიზნით, მოძრაობა 26 ნოემბერს, 00:00 საათიდან დილის 06:00 საათამდე და ასევე, 27 ნოემბრის 00:00-დან 06:00 საათამდე პერიოდში შეიზღუდება.