განათლების ყოფილი მინისტრის, კახა ლომაიას განცხადებით, საქართველოში ექსპრეზიდენტის, მიხეილ სააკაშვილის სანახავად ჩამოვიდა. ამის შესახებ მან გორის ჰოსპიტალთან ჟურნალისტებთან ისაუბრა.

"ჩამოვედი ჩემი მეგობრის, მიხეილ სააკაშვილის სანახავად. თუ ეს შესაძლებელი იქნება და ჰოსპიტალში შევძელი შესვლა, ვნახავ", — აღნიშნა მან.

19 ნოემბერს იუსტიციის სამინისტრომ მიხეილ სააკაშვილს გორის სამხედრო ჰოსპიტალში გადაყვანა შესთავაზა, რასაც ექსპრეზიდენტი დათანხმდა და შიმშილობა შეწყვიტა.

სააკაშვილი 50 დღე შიმშილობდა. ადვოკატები, სამედიცინო სფეროს წარმომადგენლები, ომბუდსმენი, მხარდამჭერები, საერთაშორისო პარტნიორები მთავრობას მოუწოდებდნენ, ექსპრეზიდენტი სამოქალაქო კლინიკაში გადაეყვანა, თუმცა ამის ნაცვლად ის ძალის გამოყენებით გლდანის ციხის სამკურნალო დაწესებულებაში გადაიყვანეს. ამის გამო, პროტესტის ნიშნად, სააკაშვილმა სამედიცინო მომსახურებაზე უარი თქვა და მისი მდგომარეობა დამძიმდა, რის შემდეგაც მოწოდებები გადაყვანაზე გახშირდა, თუმცა ხელისუფლება უარზე იყო.

21 ნოემბერს ენდოკრინოლოგმა, ელენე გიორგაძემ განაცხადა, რომ სააკაშვილის მდგომარეობა სტაბილურია და ამ ეტაპზე გართულებები არ აქვს.