თბილისის მერის, კახა კალაძის განცხადებით, მომავალი წლიდან გადახდის ინტეგრირებული ტარიფები ყველა საზოგადოებრივ ტრანსპორტზე გავრცელდება და მგზავრებს მეტროს ბილეთის ყიდვის შემთხვევაში საათნახევარის განმავლობაში ექნებათ შესაძლებლობა ყვითელ მიკროავტობუსებშიც ისარგებლონ.

"მეტროს ბილეთის ყიდვის შემთხვევაში საათნახევარის განმავლობაში ადამიანებს აქვთ შესაძლებლობა ისარგებლონ ავტობუსით, მიკროავტობუსით ყოველგვარი გადასახადების გარეშე და ეს დღევანდელი მოცემულობიდან ე.წ. ყვითელ მარშუტკებში არ ვრცელდება, თუმცა მომავალი წლიდან მთლიანად იქნება მოწესრიგებული და ყველა საზოგადოებრივ ტრანსპორტზე იქნება შესაძლებლობა გამოიყენოთ ეს ინტეგრირებული ტარიფები", — განაცხადა კალაძემ თბილისის მთავრობის სხდომაზე.