შიმშილობის მე-14 დღეს ელენე ხოშტარიას სანახავად ჯანდაცვისა და ადამიანის უფლებათა კომიტეტის წევრები, დიმიტრი ხუნდაძე, დავით სერგეენკო და მიხეილ სარჯველაძე მივიდნენ.

ხოშტარიას მოსანახულებლად მანამდე იმყოფებოდნენ მმართველი პარტიის სხვა წარმომადგენლები დეპუტატი სოზარ სუბარი და პარლამენტის თავმჯდომარე კახა კუჭავა.

ელენე ხოშტარია მე-14 დღეა შიმშილობს და ექსპრეზიდენტის სამოქალაქო კლინიკაში გადაყვანას ითხოვს. ხოშტარია მკურნალობის მხოლოდ იმ ფორმებს თანხმდება, რაც კრიტიკული მაჩვენებლების გასაუმჯობესებლად არის საჭირო.

14 ნოემბერს, მისმა ექიმმა განაცხადა, რომ მეტადაა გამოხატული სისუსტე და ინტოქსიკაცია. მანვე აღნიშნა, რომ მდგომარეობა არ არის კრიტიკული, მაგრამ შიმშილობის ამ ტემპით გაგრძელება ხოშტარიას სიცოცხლისა და ჯანმრთელობისთვის პირდაპირი საფრთხე იქნება. პოლიტიკოსი შიმშილობის შეწყვეტაზე უარს ამბობს.