ქართული ოცნების დეპუტატი რატი იონათამიშვილი იუსტიციის მინისტრს, რატი ბრეგაძეს მხარდაჭერას უცხადებს და აქებს. მისი თქმით, ბრეგაძე ყველა პოზიციაზე ყოფნის დროს, ემსახურებოდა საქარათველოს და ოპოზიცია რაც უფრო მეტს ისაუბრებს "სიძულვილის ენით, მით უფრო გამოავლენენ საკუთარ რეალურ სახეს და მიზნებს".

"პარადოქსია, რომ ნაციონალურ მოძრაობას, რომლის იუსტიციის მინისტრი იყო ადეიშვილი, დღეს რატი ბრეგაძის მიმართ აქვს სიძულვილის კამპანია გაჩაღებული. ერთ მხარეს არის კეთილსინდისიერება, პატრიოტიზმი და მაღალი კვალიფიკაცია, მეორე მხარეს კი დანაშაულებრივი სისტემა, პოლიციური სახელმწიფო და ადამიანის უფლებების გათელვა", — წერს ის.

ოპოზიცია რატი ბრეგაძეს ექსპრეზიდენტ მიხეილ სააკაშვილის მდგომარეობის გამო აკრიტიკებს. პოლიტიკოსები აცხადებენ, რომ ის არღვევს სააკაშვილის უფლებებს და რისკის ქვეშ აყენებს მის ჯანმრთელობასა და სიცოცხლეს, როცა არ უშვებს სამოქალაქო კლინიკაში და გლდანის ციხეში იძულებით, ძალის გამოყენებით გადაჰყავს. მათივე თქმით, ბრეგაძე ცდილობს ექსპრეზიდენტის დისკრედიტაციას და მის წინააღმდეგ დაწყებული კამპანიის ნაწილია.