ტორესა მოსი სასამართლო დარბაზიდან გაათავისუფლეს. ის ხელწერილის საფუძველზე გათავისუფლდა და პროცესი განხილვისთვის 19 ნოემბერს გადაიდო.

მწერალი ტორესა მოსი 12 ნოემბერს დააკავეს, როცა გირჩი — მეტი თავისუფლების წევრებმა 6 ქალაქში სახელმწიფო უსაფრთხოების სამსახურის შენობებთან აქციები გამართეს და მანქანებით შესასვლელი ჩახერგეს. ისინი ითხოვდნენ სრულად პროპორციულ 2%-იან საარჩევნო სისტემას, რიგგარეშე არჩევნებს გაზაფხულზე და პრეზიდენტი სააკაშვილის გადაყვანას სამოქალაქო კლინიკაში.

შესასვლელის გასათავისუფლებად სამართალდამცავებმა ევაკუატორით შიგნით მყოფი პოლიტიკოსებიანად მანქანები ადგილიდან გაიყვანეს. აქციებზე 10 პირი დააკავეს.

დღეს, 14 ნოემბერს მის მხარდასაჭერად აქცია გაიმართა. მწერალთა სახლთან მწერლები და გამომცემლები შეიკრიბნენ, მისი დაპატიმრება გააპროტესტეს და დაუყოვნებლივ გათავისუფლება მოითხოვეს.