მოძრაობა სირცხვილიას ინფორმაციით, ბათუმში აქციაზე დაკავებული აქტივისტის, თამარ კურატაშვილის ადგილსამყოფელი ადვოკატისთვის რამდენიმე საათის განმავლობაში უცნობი იყო. მათივე განცხადებით, როცა გაარკვიეს, ადვოკატის შესვლის მოთხოვნისთანავე, ის ოზურგეთის იზოლატორში გადაიყვანეს.

"როგორც საბოლოოდ გაირკვა, თამარ კურატიშვილი ბათუმის მთავარ სამმართველოში იყო დაკავებული. მასთან ადვოკატის შესვლის მოთხოვნისთანავე კი სასწრაფოდ გადაიყვანეს ოზურგეთის იზოლატორში", — წერია სირცხვილიას განცხადებაში.

კურატაშვილი დღეს, 13 ნოემბერს ბათუმში, სახელმწიფო უსაფრთხოების შენობასთან მიმდინარე აქციაზე დააკავეს. აქტივისტები აცხადებენ, რომ დაკავება უკანონო იყო და კურატაშვილი მას შემდეგ წაიყვანეს, რაც გადაღების შეწყვეტაზე უარი თქვა. როგორც შინაგან საქმეთა სამინისტროში On.ge-ს განუცხდეს, ის ადმინისტრაციული წესით არის დაკავებული.