ხშირად ჩვენს ხანდაზმულ შინაურ მეგობრებს კიბეზე ასვლაც კი ძალიან უჭირთ. მსგავსი გასაჭირი შეატყო იუთუბერმა ლიამ ტომპსონმაც თავის კატას, სახელად ფროდოს და გადაწყვიტა, ფისოს დახმარებოდა და სპეციალურად მისთვის ლიფტი შეექმნა.

ოკლენდელმა იუთუბერმა პლატფორმაზე სახელი ხელნაკეთი ნივთებით გაითქვა. მას Youtube-ზე უკვე 2 მილიონამდე გამომწერი ჰყავს და მისი ვიდეოებიც ძალიან პოპულარულია. ლიამის ერთ-ერთი ცნობილი ქმნილება რობოტი ბატლერია, რომელსაც პირადი სავაჭრო ავტომატიდან სასურველი საკვების მოტანა შეუძლია. იუთუბერმა საკუთარ ეზოში ატრაქციონიც კი მოაწყო და საკუთარ ძაღლს Minecraft-ის თამაშიც ასწავლა.

ფოტო: YouTube

ამჯერად ლიამის ახალი გამოგონება მისი 20 წლის ფისო ფროდოსთვის შექმნილი პირადი ლიფტია. ფისოს ძალიან უყვარდა აუზის პირას მზეზე ჯდომა, იმის მიუხედავად, რომ დანიშნულების ადგილამდე მისასვლელად გიგანტურ კიბეზე ასვლა ძალიან უჭირდა. ლიამმა თავის ეზოში ფროდოზე მორგებული ლიფტი დაამონტაჟა, რომელიც ეზოს ატრაქციონის პრინციპზე მუშაობს, მაგრამ უფრო ნელია და სხვა მასალებთან ერთად ელექტროამწეებსაც იყენებს.

"მზად ხარ ფეხის გაუნძრევლად კიბეზე ჩამოხვიდე? იმედია, კი, რადგან ამისთვის ოთხი დღე დამჭირდა", — მიმართა ლიამმა თავის ფუმფულა მეგობარს ლიფტის დასრულების შემდეგ.

ლიფტის აწყობის პროცესსა და შედეგით კმაყოფილ ფისოს ამ ვიდეოში ნახავთ: