პრემიერმინისტრის, ირაკლი ღარიბაშვილის განცხადებით, დღეიდან, 8 ნოემბრიდან თითოეული პენსიონერი, რომელიც ვაქცინაციას პირველ იანვრამდე ჩაიტარებს, ერთჯერად 200-ლარიან საპენსიო დანამატს მიიღებს.

"დღეიდან 200-ლარიან ერთჯერად საპენსიო დანამატს მიიღებს თითოეული პენსიონერი, რომელიც ვაქცინაციას პირველ იანვრამდე ჩაიტარებს, დანამატი გაიცემა პირველი აცრის გაკეთების შემდეგ", — განაცხადა ღარიბაშვილმა.

როგორც ჯანდაცვის მინისტრის მოადგილემ, თამარ გაბუნიამ განმარტა, ეს პროგრამა შეეხება იმ პენსიონერებს, რომლებიც აქამდე არ აიცრნენ და ეს წახალისების მექანიზმია.