თუ ჯერ არ გაგიგიათ, გეტყვით, რომ მერაია ქერიმ პირველივე ნოემბერს ოფიციალურად გახსნილად გამოაცხადა საშობაო სეზონი...

თუმცა, თუ თქვენც იმათ შორის ხართ, ვისაც, ცოტა არ იყოს და, ყელში ამოუვიდა All I Want for Christmas Is You-ის ღიღინი, სხვა ხერხებიც არსებობს, ახალი წლის მოახლოება რომ იგრძნოთ.

John Lewis ყოველ წელს საშობაო რეკლამებს იღებს, რომელთაც უამრავი ადამიანი მოუთმენლად ელოდება ხოლმე, როგორც ერთგვარ სადღესასწაულო ტრადიციას.

ცხადია, გული არც წელს დაგვწყვიტეს და ბევრისთვის საყვარელი ფილმის E.T. მსგავსი ისტორია გააცოცხლეს:

წლევანდელი ვიდეორგოლი, სახელწოდებით მოულოდნელი სტუმარი, ბიჭის შესახებ მოგვითხრობს, რომელიც დედამიწაზე ჩამოვარდნილ უცხოპლანეტელს დაუმეგობრდება და საშობაო ტრადიციებს შეასწავლის.

ვიდეო, როგორც სჩვევია ამ საშობაო სერიას, სევდიანად მთავრდება, რასაც კიდევ უფრო ამძაფრებს 80-იანების ჰიტი Together in Electric Dreams, რომელსაც ლოლა იანგი ასრულებს და ფონად გასდევს ისტორიას.