ჩრდილოეთ ირლანდიაში კოკა-კოლას ქარხანაში მიტანილ თუნუქის ქილებში ადამიანის განავალი აღმოჩნდა. პოლიციამ გამოძიება უკვე დაიწყო. ინფორმაციას BBC ავრცელებს.

კვირას ღამით ლისბურნის ქარხანაში მუშაობა დანადგარების დაბინძურების შემდეგ შეჩერდა.

კოკა-კოლა ხაზგასმით აცხადებს, რომ ეს კონკრეტული ინციდენტი გავლენას არ ახდენს იმ პროდუქციაზე, რომელიც ქსელში იყიდება. კომპანიის თქმითვე, ინციდენტთან დაკავშირებულ ადგილობრივ პროდუქციას სრულად გაანადგურებს.

პოლიცია ასევე იძიებს ცნობებს იმის თაობაზე, რომ გასაყიდად გატანილი პროდუქცია, შესაძლოა, უკვე დაბინძურებულია. ერთ-ერთი ასეთი ინფორმაციის მიხედვით, კოკა-კოლას ქილები სახურავების გარეშე ჩაიტანეს ქარხანაში, შემდეგ სასმელით გაავსეს, დალუქეს და გასაყიდად გაიტანეს.