რესპუბლიკური პარტიის თავმჯდომარე, ხათუნა სამნიძე აცხადებს, რომ "არა არჩევნებს" დამოკიდებულება სინამდვილეში ნიშნავს კოალიციის არქონას. მისი თქმით, თუ ოპოზიციას რიგგარეშე არჩევნები და კოალიციური მმართველობა უნდა, მაშინ უნდა მიიღონ პროპორციული სისტემა დაბალი ბარიერით.

"არა პროპორციულს" ანუ "არა არჩევნებს" სინამდვილეში ნიშნავს "არა კოალიციას". "არა არჩევნებს", რაც ბოლო დღეებია ისმის, ნიშნავს დიახ, "არა კოალიციას" და კი ერთპარტიულობას ისევ. რა გზით, გასაგებია თუ დაფიქრდებით. ამიტომ, ვიყოთ თანმიმდევრული და თუ რიგგარეშე არჩევნები გვინდა და კოალიციური მმართველობა, მივიღოთ პროპორციული სისტემა დაბალი ბარიერით! ამით დასტურდება ყველა პარტიის განზრახვა, რა მომავალი უნდა სინამდვილეში", — აცხადებს სამნიძე.

რესპუბლიკური პარტიის თავმჯდომარის თქმით, საჭიროა დაგეგმილი პროტესტი და რაციონალური ნაბიჯები და არა "ბიძინას გასახარად ისევ გულზე მჯიღი". ის არ ეთანხმება დეპუტატის მანდატების დატოვებაზე ექპსრეზიდენტის, მიხეილ სააკაშვილის მოწოდებას.

სააკაშვილმა ოპოზიციას პარლამენტის დატოვებისკენ მოუწოდა. მისი თქმით, პარლამენტმა უკვე დაკარგა სახელისუფლებო პლატფორმის ფუნქცია და იქ ვერანაირ გადაწყვეტილებას ვეღარ მიიღებენ.

ამასთანავე, თბილისის მერობის კანდიდატმა და ნაციონალური მოძრაობის თავმჯდომარემ, ნიკა მელიამ განაცხადა, რომ საქართველოში არჩევნები გაუქმებულია და უკომპრომისო ბრძოლას აპირებენ.