იუსტიციის მინისტრის, თეა წულუკიანის განცხადებით, საოკუპაციო ხაზთან ბოლო 4 წლის განმავლობაში უსაფრთხოების ზომები მხოლოდ და მხოლოდ გამკაცრდა, სხვა მხრივ კი არაფერი შეცვლილა:

"დღეს პატივს მივაგებთ ტრაგედიის მსხვერპლს, რომელიც ოკუპაციას შეეწირა. ჩვენ ყველაფერს გავაკეთებთ იმისთვის, რომ მომავალში ამგვარი ტრაგედიები თავიდან ავიცილოთ".

ხვალ, 27 მაისს, გალში ინციდენტების პრევენციისა და მათზე რეაგირების მექანიზმი ოთხწლიანი პაუზის შემდეგ განახლდება. გარდა ამისა, უახლოეს დღეებში უშიშროების საბჭოს სხდომაც გაიმართება. ორივე შეხვედრაზე განხილვის მთავარი საგანი ხურჩაში მომხდარი მკვლელობა იქნება.

19 მაისს, საოკუპაციო ხაზთან ე.წ. მესაზღვრემ გიგა ოთხოზორია ცეცხლსასროლი იარაღით მოკლა და მიიმალა.