"დავძაბეთ რამე? რამე დამინახეთ?" — ასე პასუხობს საქართველოს ჭიდაობის ეროვნული ნაკრების მთავარი მწვრთნელი, გიორგი იანტბელიძე TV პირველის კითხვას, რატომ იდგა თბილისის 35-ე საარჩევნო უბნის შესასვლელ კართან.

იანტბელიძე ირონიულად პასუხობს, რეპლიკას, რომ საარჩევნო უბანთან 100 მეტრის რადიუსის სიახლოვეს ყოფნა სამართალდარღვევაა.

"რას მელაპარაკებით? მართლა?" — ამბობს ის.

იანტბელიძის მტკიცებით, საარჩევნო უბანთან 200 მეტრში ცხოვრობს, ადგილზე ჩოჩქოლი გაიგო და იმიტომ მივიდა.

"გლდანში ვცხოვრობ, აქა ვარ, არაფერი, გვერდზე ვცხოვრობ, ჩემს უბანში ვარ, თქვენ მეუბნებით მე რატომ მოვედი? 200 მეტრში ვცხოვრობ", — უთხრა მან ჟურნალიტს.

კითხვაზე, უდგას თუ არა ის გვერდში ქართულ ოცნებას, იანტბელიძე არ უარყოფს და ამბობს, რომ ყველა წესიერმა ადამიანმა მათ უნდა დაუჭიროს მხარი.

"ვის ვუდგევარ, ვის ვუდგევარ, მმართველ პარტიას? რა თქმა უნდა, ყველა წესიერი და მშვიდობისმოყვარე ადამიანი დადგება აქ, მართალია", — ამბობს ის.

იანტბელიძე ამბობს, არჩევნები მშვიდ გარემოში მიმდინარეობს. თვითონ კი მშვიდობისმოყვარე და წესიერი ადამიანია.

"არაფერი არ ხდება, მშვიდობაა, კარგია, რომ მშვიდ გარემოში მიდის არჩევნები, კარგად დამთავრდება ყველაფერი. [...] რაც არ უნდა აქედან მომიარო და მირტყა "კრუგები", მაინც ერთ აზრზე ვარ, რომ მე არაფერი არ დამიშავებია", — თქვა მან ბოლოს.

დღეს, 30 ოქტომბერს ადგილობრივი თვითმმართველობის არჩევნების მეორე ტური იმართება. მერი 15 თვითმმართველ თემსა და 5 თვითმმართველ ქალაქში, მათ შორის, თბილისში ირჩევა. გარდა ამისა, მეორე ტური გაიმართება 24 საარჩევნო ოლქში, რომლის შედეგად აირჩევა 42 მაჟორიტარი