ევროპულიმა საქართველომ მთავრობის ადმინისტრაციასთან აქცია-პერფორმანსი გამართა. მათი მთავარი მოწოდებაა, ამომრჩევლებმა მხარი დაუჭირონ ოპოზიციას და დაასრულონ ბიძინა ივანიშვილის მმართველობა. აქციის მონაწილეებმა საჰაერო ბუშტები გაუშვეს, რომლებზეც გამოსახულია ბიძინა ივანიშვილი და აქვს წარწერა "მოდი არჩევნებზე", "აღარ მოეკიდო გაგებით".

"ხვალ არ ხდება ერთი მთავრობის მეორით ჩანაცვლება, ხვალ უბრალოდ ხდება ამ რეჟიმის ჩარჩოში მოქცევა და დაძვრა იმ პროცესის, რომ მისი შემდგომში ჩანაცვლება ვადამდელი არჩევნებით ისე უნდა მოხდეს, რომ არავის ხელში ერთპიროვნული ძალადობა აღარ იყოს", — თქვა პარტიის ლიდერმა, გიგა ბოკერიამ.

თვითმმართველობის არჩევნების მე-2 ტური ხვალ, 30 ოქტომბერს 20 თვითმმართველ ქალაქსა და თემში, ასევე 42 ადგილობრივ მაჟორიტარულ საარჩევნო ოლქში ჩატარდება.