თბილისის საბავშვო ბაგა-ბაღების მართვის სააგენტო თბილისში, ნუცუბიძის მე-4 მიკრო რაიონში საბავშვო ბაღის აშენებას გეგმავს. სააგენტომ შენობის ასაშენებლად ტენდერი 24 მარტს გამოაცხადა. შესყიდვის სავარაუდო ღირებულება 2 405 033 ლარია.

სატენდერო პირობების მიხედვით, საბავშვო ბაღი ხელშეკრულების გაფორმებიდან 11 თვეში უნდა აშენდეს.

ტენდერში მონაწილეების მსურველებს განაცხადების წარდგენა 15 აპრილიდან 20 აპრილის ჩათვლით შეუძლიათ. ტენდერში მონაწილე პრეტენდენტს 2014 წლის 1 იანვრიდან უნდა ჰქონდეს ახალი შენობა-ნაგებობის აშენების გამოცდილება, რომლის ღირებულებაც მილიონ ლარს უნდა აღემატებოდეს.