კიანუ რივზმა თაყვანისმცემლები კიდევ ერთხელ აღაფრთოვანა, რადგან ახლახან გაირკვა, რომ მსახიობმა მის ფილმში მონაწილე კასკადიორების გუნდი Rolex Subminer-ის საათებით დაასაჩუქრა.

ასეთ ჟესტს ადრეც შევხვედრივართ, როცა რასელ ქროუმ Cinderella Man-ის დასრულებისას თავისი Rolex-ის საათი გუნდის წევრს აჩუქა. კიანუს შემთხვევაში კი, მსახიობისგან საათები კასკადიორთა გუნდის ყველა წევრს John Wick 4-ის ბოლო სამუშაო დღეების აღსანიშნად გადაეცა.

Rolex-ის ეს კონკრეტული მოდელი საშუალოდ 9 500 დოლარი ღირს, მაგრამ შეზღუდული რაოდენობის გამო, დღეს მისი ფასი 16 ათას დოლარს უახლოვდება.

კასკადიორებმა საჩუქრის ფოტოები სოციალურ ქსელში გამოაქვეყნეს, სადაც ვხედავთ, რომ საათების უკან დიდი ასოებით ამოტვიფრულია ტექსტი: “THE JOHN WICK FIVE” და ასევე მადლობა კიანუ რივზისგან.

როგორც პოსტიდან ვიგებთ, კიანუ გადაღებების დასრულებას გუნდთან ერთად პარიზში აღნიშნავს.

მოკლედ, კიანუ მიზეზს არ გვაკლებს, რომ ყველა ჯერზე თავიდან შეგვიყვარდეს.

ასევე იხილეთ: