თანამდებობაზე 16-წლის შემდეგ ანგელა მერკელს გერმანიის კანცლერობის ვადა სამშაბათს, 26 ოქტომბერს ამოეწურა. თუმცა, AP-ის ცნობით, სანამ მისი მემკვიდრე ფიცს არ დადებს, ის კანცლერის მოვალეობის შემსრულებელი იქნება.

რამდენიმე საათით ადრე, მერკელი ბერლინში გერმანიის ახალი პარლამენტის გახსნის სესიას დაესწრო და ადგილი VIP გალერეაში დაიკავა, როცა ახალარჩეული დეპუტატები პირველად შეიკრიბნენ. მერკელმა, რომელმაც პირველად ბუნდესტაგში ადგილი 31 წლის წინ მოიპოვა, 26 სექტემბრის არჩევნებში არ მონაწილეობდა.

დეპუტატებმა ქვედა პალატის 736-კაციანი ქვედა პალატის სპიკერად მემარცხენე ცენტრისტული სოციალ-დემოკრატიული პარტიის წევრი ბაერბალ ბასი აირჩიეს. ბასი, რომლის პარტიამ მერკელის მემარჯვენე-ცენტრისტულ საკავშირო ბლოკი მცირედი სხვაობით დაამარცხა, ბუნდესტაგის წევრი 2009 წლიდან არის.

ბასმა თანამოაზრე დეპუტატებს განუცხადა, რომ პარლამენტში ქალთა უფრო სამართლიანი წარმომადგენლობისთვის იმუშავებს. ის მესამე ქალია, რომელიც ხელმძღვანელობს ბუნდესტაგს 1949 წელს მისი შექმნის შემდეგ.

"პასუხისმგებლობა ჯერ კიდევ არ არის განაწილებული სამართლიანად ყველა მხრებზე",— თქვა მან.

თანამდებობიდან გათავისუფლების სერტიფიკატი მერკელს გერმანიის პრეზიდენტმა ფრანკ-ვალტერ შტაინმაიერმა გადასცა და მას ქვეყნის რთულ პერიოდებში მართვისთვის მადლობა გადაუხადა, განსაკუთრებით მისი ბოლო ოთხწლიანი ვადის განმავლობაში. შტაინმაიერმა აღნიშნა კოროვირუსის პანდემია, ბრექსიტი და აშშ-ის მთავრობა პრეზიდენტ დონალდ ტრამპის დროს.

გასულ კვირას მერკელმა თბილი გამოსამშვიდობელი წერილები მიიღო ევროკავშირის ლიდერებისა და აშშ-ს ყოფილი პრეზიდენტის ბარაკ ობამასგან. მისი მოვალეობის შესრულების ბოლო კვირები მოიცავს გერმანიის წარმოდგენას G-20-ის შეხვედრაზე იტალიაში და მომავალ კვირას გაეროს კლიმატის კონფერენციაზე მონაწილეობას გლაზგოში.