დაავადებათა კონტროლის ცენტრის დირექტორის, ამირან გამყრელიძის განცხადებით, ის პედაგოგების სავალდებულო ვაქცინაციას მხარს უჭერს.

"მე პირადად, როგორც ერთი ამირან გამყრელიძე, არ ვმალავ და ხშირად აღვნიშნავ, რომ რამდენიმე პროფესიული ჯგუფისთვის, მათ შორის, პირველ რიგში, ჩემი კოლეგებისთვის, სამედიცინო მუშაკებისთვის, ექიმი, ექთანი, უმცროსი სამედიცინო პერსონალი, მხარს ვუჭერ სავალდებულო ვაქცინაციას. მიუხედავად იმისა, რომ ექიმებს ერთ-ერთი ყველაზე მაღალი გვაქვს მოცვა, თუმცა ეს ძალიან დაბალია უმცროს სამედიცინო პერსონალში, აქ უნდა იყოს სავალდებულო.

ასევე, სავალდებულო ვაქცინაციას ვუჭერ მხარს და დავუჭერ პედაგოგებში, განსაკუთრებით სკოლის პედაგოგებში აცრებს, რომ იყოს სავალდებულო, რადგან მათ საქმე აქვთ ჩვენს ბავშვებთან", — აცხადებს ის ფორმულას ეთერში.

საქართველოში ამ დროისთვის 4 სხვადასხვა ვაქცინააა და აცრა შეუძლია ყველა მსურველს, 16 წლის ზემოთ.

ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.

გაიგეთ მეტი: როგორ უნდა მიხვიდეთ ასაცრელად, როცა საზოგადოებრივი ტრანსპორტი შეზღუდულია — მარშრუტები