ინგლისში, დერბიშირის საგრაფოში, ჩესტერფილდის სკოლის მოსწავლემ ისტორიის გაკვეთილზე ძველი ხელყუმბარა მიიტანა, რის გამოც სკოლის ნაწილის ევაკუაცია გახდა საჭირო.

როგორც BBC წერს, ამ ფაქტის გამო პოლიცია ოთხშაბათს, 13 ოქტომბერს გამოიძახეს სკოლაში.

ადგილზე მისულმა სამართალდამცავებმა მოსწავლეებსა და სკოლის თანამშრომლებს ტერიტორიის დატოვება სთხოვეს, სანამ გამნაღმველები შემთხვევას შეისწავლიდნენ.

შესაბამისი შემოწმების შემდეგ პროფესიონალებმა დაადგინეს, რომ ხელყუმბარა იმდენად ძველი იყო, რომ უკვე უმოქმედო იყო, რაც რეალურ საფრთხეს აღარ ქმნიდა.