პენიტენციური სამსახურის განცხადებით, სიცრუეა, რომ რუსთავის N17 პენიტენციურ დაწესებულებაში არის ბუნტი და პატიმრებს დაცვა ჰყავთ გამოკეტილი.

მათი თქმით, ეს იმ "ბინძური დეზინფორმაციული კამპანიის ნაწილია, რომელიც მიზნად ისახავს სახელმწიფო ინსტიტუტებზე შეტევას და საზოგადოების შეცდომაში შეყვანას". რუსთავის ციხეში შესაძლო ბუნტის შესახებ ინფორმაცია დღეს მთავარი არხის დირექტორმა, ნიკა გვარამიამ გაავრცელა.

აღსანიშნავია, რომ რუსთავის ციხეში დღეს ხანძარი გაჩნდა. პენიტენციური სამსახურის ინფორმაციით, ხანძარი სამზარეულოში გაჩნდა და ამ წუთებში მისი ლოკალიზება თითქმის დასრულებულია. ამასთან, მათი ცნობით, ხანძრის შედეგად, დაწესებულებას ელექტროენერგიის მიწოდება ამ ეტაპზე შეწყვეტილი აქვს. უწყებაში აცხადებენ, რომ პატიმრები ოჯახის წევრებთან დაკავშირებას ელექტროენერგიის აღდგენისთანავე შეძლებენ.