ინფორმაციის თავისუფლების განვითარების ინსტიტუტმა (IDFI) იუსტიციის სამინისტროს ანტიკორუფციული საბჭოს სამდივნოს მოსაზრებები და რეკომენდაციები წარუდგინა.

IDFI-ის რეკომენდაციები მოიცავს შემდეგ საკითხებს:

  • "ღია მმართველობა საქართველოს ფორუმის" გათვალისწინებით, ანტიკორუფციული საბჭოს თავმჯდომარის მოადგილის ფუნქციის სამოქალაქო საზოგადოების ორგანიზაციის წარმომადგენლისთვის დაკისრება;
  • რეგიონული ანტიკორუფციული კონფერენციის გამართვა;
  • "ეკონომიკური თანამშრომლობისა და განვითარების ორგანიზაციის ანტიკორუფციული ქსელისა" (OECD-ACN) და "კორუფციის წინააღმდეგ მებრძოლ სახელმწიფოთა ჯგუფის" (GRECO) რეკომენდაციების მაქსიმალური ასახვა ანტიკორუფციულ სამოქმედო გეგმაში;
  • იუსტიციის სამინისტროს ანალიტიკურ დეპარტამენტში ანტიკორუფციული სამმართველოს შექმნა, რათა უკეთესად გაიმიჯნოს ფუნქციები დეპარტამენტის ანტიკორუფციულ და სხვა საქმიანობას შორის;
  • მნიშვნელოვანია ანტიკორუფციულ საქმიანობაში გაიზარდოს საპარლამენტო ზედამხედველობა და პარლამენტის წევრთა ჩართულობა ანტიკორუფციულ პროცესებში;
  • სამოქმედო გეგმის ინდიკატორების და რისკების დახვეწა და დაკონკრეტება;
  • ინფრასტრუქტურულ პროექტებში კორუფციის პრევენციის შესაბამისი ღონისძიებების ან/და პრიორიტეტის დამატება.

IDFI მიიჩნევს, რომ დოკუმენტში ასახული შენიშვნებისა და რეკომენდაციების გათვალისწინება ხელს შეუწყობს მომავალში მონიტორინგის პროცესს, დოკუმენტს შესაბამისობაში მოიყვანს საერთაშორისო ვალდებულებებთან, მარტივად დაფარავს ახალ, აქტუალურ საკითხებს და ანტიკორუფციული საბჭოს მუშაობას გახდის კიდევ უფრო ინკლუზიურს.

იუსტიციის სამინისტროს ანალიტიკურმა დეპარტამენტმა 2017-2018 წლების ანტიკორუფციულ სამოქმედო გეგმაზე მუშაობა 2016 წლის ნოემბერში დაიწყო.